Wukubłanje

Móžnosće wukubłanja

• mechatronikar *ka
• mechanikar *ka lijernje
• industrijowy překupc *ča
• KIA-studij mechatronika
• BA-studij hospodarstwo
• BA-studij informatika

Mechatronikar*ka

Ty zajimuješ so za mechaniku, elektriku a elektroniku? Potom je to runje twoja wěc. Z mechaniskich a elektroniskich wobstatkow twariš kompleksne mechatroniske systemy. Hotowe připrawy dźěłaš a programěruješ je.

Što činiš jako mechatronikar*ka?

Tu trjechitej dwaj swětaj na so: metal a elektro. Twoje dźěło jako mechatronikar je twarjenje systemow, kotrež wobsteja z mechaniskich kaž tež elektroniskich a informaciskich twarskich dźělow.

Paslenje započina so ze studijom šaltowanskich planow a konstrukciskich rysowankow. Dale dźe z wobdźěłanjom metalow, kotrež so po wodźenjach zatwarjeja a z powodami zwjerća, tak zo nastanje wulki cyłk. Na kóncu steji zawod a běžna kontrola za wěsty a bjezporočny zawod jako jednotliwe připrawjenje abo jako wobstatk kompleksnych produkciskich linijow.

Wjele činić potajkim, ale za to bjez kónca wotměny!

Što trjebaš jako mechatronikar*ka?

• Ty maš jara dobre realnošulske zakónčenje.
• Maš dobre znamki w matematice a fyzice.
• Ty maš zdaće wo předźěłanju datow a informatice.
• Maš techniske zrozumjenje.
• Ty sy rjemjeslnisce wušikna*ny.
• Ty sy na elektrotechnice a elektronice zajimowany.
• Ty sy dobry teamplayer.

 

Mechanikar*ka lijernje

Twoje dźěło jako lijerski mechanikar wopřija škrěće horcych metalow a zhotowjenje lećatych dźělow, kotrež naše žiwjenje wšudźe přewodźeja. Płaći tež při najwjetšej horcoće chłódnu hłowu wobchować.

Leće započina so z běžitym wužiwanjom metala a zhotowjenjom kaž tež přihotowanjom formy. Poprawne leće přewozmu wulce moderne lijerske připrawy, kotrež posłužuješ, dohladuješ a programěruješ. Po wochłódnjenju dźělow so rohodźiki dźěla, na kwalitu pruwuja a za dalše wobdźěłanje přihotuja.

Što trjebaš jako lijerski mechanikar*ka?

By najlěpje dyrbjał tute kmanosće a talenty sobu do wukubłanja wzać:

• Wuspěšne hłownošulske abo realnošulske zakónčenje
• Matematiske, fyzikaliske a techniske zrozumjenje
• Swědomite a dokładne dźěło
• Rjemjeslniska wušiknosć
• Zamołwitosć, spušćomnosć a teamplayer

 

Industrijna překupc*ča

specialist  w planowanju produkcije a strategiskim nakupje

Dźěłaš rady na ličaku a tola tež w teamje, zajimuješ so za hospodarstwo a tworowe pohiby?

Što činiš jako industrijowa překupča?

Twój dźěło jako industrijowa překupča započina so ze zeznaćom zawodnych wotběhow a z skutkowanjom wšitkich wobłukow do wulkeho cyłka. Zeznaješ wobchadźenje z kompleksnymi ERP-programami, jeje nałožowanje a zwjazanja w předewzaću. Pola nas budźeš specialist za pohiby tworow, wot dochada tworow hač k rozpósłanju. Móžeš kóždy čas informować, kotry produkt je hdźe a w kotrej ličbje k dispoziciji.

Dźěłaš rady z ličbami, datami, faktami a z kolegami a chceš rady wotměnu.

Što trjebaš jako industrijowa překupča?

• Maš dobre do jara dobre realnošulske zakónčenje.
• Ty maš dobre znamki w němčinje, jendźelšćinje a matematice.
• Ty maš zdaće wo předźěłanju datow.
• Maš wjeselo we wobchadźe z kolegami a kupcami.
• Ty sy dobry teamplayer.

 

KIA-studij mechatronika

Za wšitkich maturantow, kotřiž za čas studija wuski kontakt k hospodarstwu pytaja, je dualny studij idealna forma wukubłanja. Praktiske fazy wotměnjeja so z teorijowymi fazami studija.

Wuměnjeni za dualny studij stej abitura abo zrałosć za fachowu wysoku šulu a wukubłanske zrěčenje z předewzaćom, kotrež w tutym modelu wukubłuje. Hdyž chceš teoriju a praksu klewer zwjazać, potom je to twoja šansa!

Kooperatiwny studij z integrowanym wukubłanjom (KIA) – „Das Shuttle-Prinzip“

Tu namakaš wysokošulski studij z integrowanym powołanskim wukubłanjom, kotrež teoriju a praksu jara intensiwnje zwjazuje. W běhu 5 lět docpěješ powołanske kaž tež wotzamknjenje studija.

KIA je wukubłanje integrowany dualny wysokošulski studij z dwěmaj wotzamknjenjomaj:

• Fachowi dźěłaćerjo (z komornym pruwowanjom IHK) a
• Wysokošulske zakónčenje (bachelor resp. diplom).
• Zdobywaš potajkim w skrótšenym wukubłanju po dwě a poł lěće z pruwowanjom před IHK wotzamknjenje fachoweho dźěłaćerja a maš po dalšim dwěmaj resp. dwě a poł lěće wysokošulske zakónčenje w zaku.

Što činiš jako inženjer?

Twoje dźěło jako inženjer je permanentne dalewuwiće wobstejacych systemow a připrawow kaž tež jich přiměrjenje přećam kupcow na najwyšim niwowje.

Jako zakład dóstanješ solidne powołanske wukubłanje jako mechatronikar ze wšěmi teoretiskimi a praktiskimi wobsahami, sćěhowane wot wysokošulskeho studija. Nowe wužadanja žadaja sej wot tebje wysoke analytiske kmanosće, techniske zrozumjenje k zwjazanju zhotowjenskich postupowanjow po hospodarskich aspektach hač k přepodaću na produkciju.

Što trjebaš jako přichodny inženjer?

• Maš dobre gymnazialne zakónčenje.
• Maš wysoke matematiske, fyzikaliske a techniske zrozumjenje.
• Maš dobre znajomosće jendźelšćiny.
• Maš rumnostnu předstawu.
• Ty sy rjemjeslnisce wušikny*a.
• Sy swědomity a spušćomny.
• Ty dźěłaš rady w teamje.

 

BA-studij hospodarstwo

Za wšitkich maturantow, kotřiž za čas studija wuski kontakt k hospodarstwu pytaja, je dualny studij idealna forma wukubłanja. Praktiske fazy wotměnjeja so z teorijowymi fazami studija.

Wuměnjeni za dualny studij stej abitura abo zrałosć za fachowu wysoku šulu a wukubłanske zrěčenje z předewzaćom, kotrež w tutym modelu wukubłuje. Hdyž chceš teoriju a praksu klewer zwjazać, potom je to twoja šansa!

Powołanska akademija – „Trochu hinaši studij“

Tu so w třilětnym studiju intensiwnje na swoju powołansku dźěławosć přihotuješ. Přez wuske splećenje teorije a praksy njeposrědkuje powołanska akademija zhromadnje z předewzaćemi jenož powołanjakmanosć ale tež wušiknosć.

Što činiš jako produkciski planowar?

Twoje dźěło jako produkciski planowar je dokładna organizacija zhotowjenskich nadawkow. Wuchadźejo ze skazankow kupcow wothłosuješ potrjebu trěbnych materialijow z wobstejacymi wobstatkami, předewzaš skazanki a koordinuješ skazanki z druhimi wotrjadami, dodawarjemi a kupcami.

Što trjebaš jako planowar produkcije?

• Maš dobre gymnazialne zakónčenje.
• Ty maš wysoke matematiske a analytiske zrozumjenje.
• Maš dobre znajomosće jendźelšćiny.
• Ty organizuješ a komunikuješ rady z ludźimi.
• Sy swědomity a spušćomny.
• Ty dźěłaš rady w teamje.

Hospodarski informatikar je specialist na mjezy mjez IT-nałožowanjemi a zawodnohospodarskej organizaciju.

Čas

• Studij na powołanskej akademiji Budyšin
• 36 měsacow ze změnu mjez powołanskej akademiju a předewzaćemi

Wobsahi

• Zakłady zawodneho hospodarstwa a wukonowe wobłuki předewzaćow
• Zakłady programěrowanja a zestajenja informatiskich srědkow
• Zakłady techniki maćiznow ze zakładami wobdźěłanja a předźěłanja metala.
• Zakłady wodźenskeje a regulowanskeje techniki, wubrane zhotowjenske metody

Posrědkowanje zakładneje wědy stanje so na BA w Budyšinje. Hižo wot spočatka sće dźěl teama a zeznajomniće so ze zamołwitymi nadawkami. Kompetentny a młody team Was přewodźa a podpěruje:

Přiswojenju wukubłanskich wobsahow

• přiswojenju techniskich a překupskich kmanosćow a kmanosćow za zawěsćenje
• procesowych wotběhow w produkciji
• planowanju a wothłosowanju dźěłoweho slěda
• wěstemu wobchadźenju z našej ERP-software

Šulske wuměnjenja

• wuspěšne dobre abiturne zakónčenje, alternatiwnje wuspěšnje wotzamknjene powołanske wukubłanje
• dobre znajomosće w MS Office
• dobre, nałožujomne znajomosće jendźelšćiny
• wotewrjene komunikatiwne wašnje a wjeselo při dźěle w teamje

Nadawki a jich specifika w předewzaću w našim IT-wobłuku

• Podpěra při přiměrjenju IT-procesow w cyłym předewzaću
• Podpěra při digitalizaciji a awtomatizaciji k zwyšenju wubědźowanjakmanosće
• Podpěra při hladanju wšěch wužiwarjow w předewzaću
• Zwěsćenje potrjeby a wothłosowanje nowych IT-rozrisanjow direktnje z wužiwarjemi