Póndźelu,16.06.2025 zetkachu so społnomócnjeni za serbske naležnosće pola TDDK w Nadróznej Hrabowce. Přitomni běchu, Diana Karbowa, społnomócnjenia za město Wojerec, Katy Strukowa społnomócnjena wokrjesa Zhorjelc, knjez André Wucht, zamołwity za serbske naležnosće města Budyšin kaž tež knj. dr. Madlena Malinkec, jednaćelka społnomócnjeneje Saskeho knježerstwa za serbske naležnosće z SMWK Drjezdźany a ja.

Kóždy kwartal so za wuměnu zetkamy. Rozmołwy wjedźechu so wo tučasnych zjawjach w wšelakich regionach zamołwitych. Rozprawješe so wo aktualnych projektach a wužadanjach. Nimo toho rozjimaše so prašenje kak so serbstwo w hospodarstwje dale wuwiwać móže. Jako ćeža widźi so při tym tučasny hospodarski a financny staw w Němskej.

Rozprawjachmy wo fachowym forumje, kotryž so započatk nowembra w Krabatowym młynje w Čornym Chołmcu wotměć budźe, hdzež přihoty přez Domowinu a Krabatowy Młyn hišće běža.

Při tutej składnosći wužichmy tež hnydom móžnosć, naslědnika  jednaćela firmy TDDK knj. Juhnke za serbsk. naležnosće předstajić, je to knjez Thomas Fochler.  Wón je senior manager za personalny, powšitkowny a logistiski zarjad. Knj. dr. Malinkec předstaji jemu kampanju Sorbisch.Naklar! SMWK. Přichodne zetkanje so w septembru w Drjezdźanach wotměje.

Dnja, 04.12.2024 rozžohnowachmy našeho jednaćela Yoichi Terao. Dwě lět je knjez Terao naš zawod wjedł. W tutym času je tež wotewrjenosć a angažemant napřećo nam serbam pokazał.

Na tutym puću chcemy so jemu wutrobnje za swoju wotewrjenosć dźakować.

Wutrobnje postrowimy našeho noweho jednaćela knjeza Atsuyuki Morishita. Přejemy jemu dobry start a wotewrjenu wutrobu tu pola TDDK.

Dźensnišu srjedu, 26. smažnika 2024, powita prezident a jednaćel TDDK Yoichi Terao prezidij Domowiny z Dawidom Statnikom na čole. Wón wjeseleše so, zo bě nawodnistwo Domowiny přeprošenje přiwzało, turnusowe prezidijowe schadźowanje z wjedźenjom po zawodźe w serbskej rěči zwjazać.

Někotři čłonojo prezidija běchu wospjetny króć pola TDDK. Witanje z chlěbom a selu
a wodźenje w serbskej rěči přez Dominika Knopfa, Susann Suchowu a Carolinu Měršowu, zamołwitu za serbske naležnosće, je za TDDK bórze hižo tajke něšto kaž rutina, přiwšěm w regionje hišće žana samozrozumliwosć. Tež pokazowace tafle w němčinje, jendźelšćinje a japanšćinje za wopytowarjow na parkowanišću je předewzaće dypkownje k terminej ze serbskim wurazom wudospołniło. Tajke małe, ale widźomne kroki za lěpšu mnohorěčnu samozrozumliwosć w tutym mjezynarodnym předewzaću su wažne.